BUTUAN CITY – Gikahadlokang mosaka pa sa 179 katawo ang napatay sa pagkahagsa sa Jeju Air flight 7C2216 sa Muan International Airport sa South Korea ning buntag lang nga nahitabo samtang mihimo og usa ka emergency landing nga gikan Bangkok sakay ang 181 katawo.
Sa karun, ang bugtong naluwas lang mao ang usa ka pasahero ug usa ka miyembro sa crew. Ang Boeing 737-800, nga gikatahong nakabaton og problema samtang nakitang misutoy sa runway nga walay nakitang landing gear adiser mibangga sa pader bandang alas 9:03 sa buntag , oras sa South Korea.
Gihulagway usab sa mga saksi nga nadungog nila ang kusog nga buto adiser ang pagkahagsa sa eroplano sa pader sa paluparan, nga maoy hinungdan sa pagbusikad og pagkasunog niini.
Duda usab sa mga awtoridad nga posibleng dunay nahitabong bird strike samtang ang eroplano patugpa.
Padayon ang mga emergency responders sa pagpangeta sa mga patay’ng lawas.
Ang maong ngil-ngig nga aksidente nagmarka sa pinaka-ngil-ad nga kasaysayan sa domestic civil aviation sa South Korea.
Kini usab ang pinaka-unang dugoon nga insidente sa kasaysayan sa Jeju Air, usa sa pinakadakong low-cost carriers sa South Korea nga gitukod niadtong 2005.
