BUTUAN CITY – Daling gihikling ang mga pasahero sa usa ka American Airlines flight ngadto sa tarmac sa Denver International Airport sa Colorado, United States of America human mi-ulbo ang kalayo sa maong eroplano nga mimugna og baga nga aso.
Makita sa CCTV footage ang paghikling sa mga pasahero diha sa pako sa American Airlines Boeing 737-800 bitbit ang ilang mga gamit samtang nagkayo sa ilalom nga bahin sa abyon. Sigon sa US Federal Aviation Administration (FAA), migamit ang mga pasahero og inflatable slides rason nga luwas silang nakakanaog kondiin 12 ang nadala sa ospital tungod sa mga minor injuries.
Nasayrang gikan ang abyon sa Colorado Springs ug padulong unta ngadto sa Dallas Fort Worth International Airport sa Texas. Daling gi-divert ang abyon ngadto sa Denver human gi-report sa crew ang namatikdang engine vibrations.
Sigon sa American Airlines, duna’y 172 ka mga pasahero ang abyon uban sa unom ka mga crew members kansa tanan, pulos nahikling nga luwas. Migawas sa inisyal nga report nga nakasinati ang Boeing 737-800 og engine-related issue.
