BUTUAN CITY – Gikumpirma sa Provincial Director sa Surigao Del Norte Police Provincial Office nga si Police Colonel Warren Dablo nga napasakaan na og kasong murder ang 17-anyos nga mipatay sa Assistant Manager sa usa ka mining company ug Law Student sa San Sebastian College Recoletos kansa usa usab ka Certified Public Accountant.
Gipasaka ang kaso pinaagi sa inquest proceedings human usab nga nagpagawas og certificate of discernment ang Department of Social Welfare and Development batuk sa suspek nga gikustudiya na sa Claver Municipal Police Station.
Kini human usab sa pagsurender sa suspek didto sa Cagayan de Oro City apan nakapuyo sa Barangay Urbiztondo sakop sa lungsod sa Claver tungod sa pag-menyu og usab sa iyang inahan.
Gibutyag usab ni Police Colonel Warren Dablo nga posibleng madugang pa ang mga kasong robbery og carnapping tungod kay gihulat pa nila karun ang disesyon sa pamilya sa biktimang si Ryan Dave Alutaya nga usa ka miyembro sa LGBT.
Mahinumdumang nakit-an na lang nga anaa na sa state of decomposition ang patay’ng lawas sa biktima sa Sitio Panyog, Brgy. Cagdianao, Claver, Surigao del Norte niadtong Pebrero 11 human usab gideklarang missing niadtong Pebrero 8.
Samtang gibutyag usab sa hepe sa Claver Municipal Police Station nga si Police Captain Noel Piong nga nakuha nila ang tanang bug-at nga ebedinsya batok sa suspetsado og dunay mitumaw usab nga saksi sa panghitabo sa dihang gihimo ang kremin sulod sa pension house diin nag-check-in ang suspek og ang biktima.
Sigon ni Police Captain Noel Piong nga base sa saysay sa suspek, iya matud pang gisumbag og gitook ang biktima rason sa kamatayon niini adiser gibitbit padulong sa sakyanan og gilabog sa pangpang.
Apan sumala sa saksi, gibunalan niini ang biktima tungod kay naglinagubo man ang kwarto og dunay mga lama sa dugo nga nakita bisan paman nga gi-mapan pa kini sa suspek adiser misibat.
