BUTUAN CITY – Naluwas sa personahe gikan sa sa 1st Marine Company samtang naghimo kini og mobile patrol sa Tala Diversion Road, Zone 1, Barangay Lumbangan, Zamboanga City ang usa ka babaye nga gitoohang gi-kidnap.
Nasayrang pasado alas 10:35 sa gabii sa dihang nasigpatan ang usa ka puting motorsiklo nga dunay pasahero nga babaye nga nagsinggit og tabang rasong gitaparan kini Marines apan nagpasutoy na hinoon sa pagpadagan hangtud nga miabot sa bisinidad sa Barangay Lunzuran, Zamboanga City.
Dinhe na nakahigayon ang babaye sa pag-ikyas og na-rescue siya sa Marines og gidala sa Headquarters 1st Marine Company sa Barangay Lumbangan, Zamboanga City.
Ang maong biktima, usa ka 17-anyos nga dalaga gikan sa Barangay Guisao, Zamboanga City.
Sumala sa biktima nga padulong siya sa Barangay Divisoria sa dihang gidool sa suspek nga nagpatoong namasahero apan sa dihang nakasakay na siya, mibutyag ang suspek nga kinahanglan niya mobalik sa balay aron kuhaon iyang lisensiya.
Dinhe na gusto monaog sa biktima, apan wala kini panumbalinga sa suspek rasong misinggit kini og tabang.
