BUTUAN CITY – Gikustudiya na sa Explosive Ordinance Device section sa Surigao Del Sur Police Provincial Office ang narekober nga dakong anti tank mine sa may Sitio Mimi, Brgy. Layog, Tago, Surigao Del Sur.
Sa pakighinabi ning sibyahan kang Master Sergeant Zena Panaligan, sa Public Information Office sa Police Regional Office kon PRO-13, gikumpirma niini nga narekober nila ang maong bomba sa nakalabay nga alas 8:00 sa gabii human sa gipaabot nga impormasyon sa informant nga kanhe rebelde.
Nakaplagan kini nsa mga tropa sa 2nd Surigao del Sur Provincial Mobile Force Company led by Lieutenant Colonel Harry B. Dawayan, Jr.
Sigon pa sa opisyal, ang maong anti-tank mine dunay kalapdon nga 11 pulgadas, 8 pulgadas ang katas-on ug mitimbang sa 15 kilos.
Kaya matud pa niining bungkagon ang dakong dakyanan. Sumala pa niini, gilubong ang maong bomba sa mga miyembro sa NPA niadtong 2014.
Alayon niini, gi-awhag sa opisyal ang publiko nga itaho sa pinakadool nga police station o sa kasundaluhan ang bisan unsnag madiskubrihan nga bomba
