BUTUAN CITY – Dili mu-ubos sa 14 ka mga tawo ang patay samtang 750 usab ang angol sa kusog nga pagbusikad sa nag-unang pantalan sa Iran partikular sa Shahid Rajaee, ang pinakadakong commercial port, duol sa siyudad sa Bandar Abbas.
Ang maong pagbusikad mipusgay sa mga bintana og atop sa mga dakbalay ug midamyos usab sa mga sakyanan. Gani usa ka tibuok warehouse ang napuno sa abog ug aso.
Makita usab sa aerial footage nga dili mu-ubos sa tulo ka mga sunog ang mi-ulbo hangtud nga gikumpirma na sa interior minister later sa Iran nga ang sunog, mikaylap gikan sa usa ka container ngadto na sa laing container.
Gimanduan na ang mga tunghaan ug mga buhatan sa rehiyon na magsira na ug maghulat lang og dugang kaanduan. Gipadayag na usab sa mga customs officials nga ang pagbusikad, posibleng resulta sa mitumaw nga kalayo gikan sa nabu-ak nga hazmat ug sa chemical materials storage depot.
