BUTUAN CITY – Dili mominus sa 110 ka mga tawo nga kasagaran mga tigulang ang ngil-ngig nga gipatay sa mga miyembro sa gang sa Haitian capital, nga Port-au-Prince.
Sigon sa National Human Rights Defence Network usa ka local gang leader ang mitarget sa mga biktima human nga ang iyang anak nasakit og hangtud namatay.
Gikataho nga ang maong lider mikunsulta sa pari nga maoy mibasol sa mga tigulang sa lokalidad nga nag-himu og pagpamarang nga maoy hinungdan sa misteryosong sakit sa iyang anak.
Sigon ni human rights chief Volker Türk sa UN nga ang ihap sa mga tawong namatay sulod sa nakalabay nga semana lang tungod sa gang mikabat sa 184. Natigayon ang mga pagpatay sa Cité Soleil nga silingang siyudad sa capital.
Sumala sa taho, ang mga miyembro sa gang mislod sa mga panimalay og gidala ang mga nag-edad sa 60-anyos pataas nga sa usa ka lugar diin ang mga biktima, pamusilon samtang ang uban gipangluba hangtud nga mamatay.
