BUTUAN CITY- Nakatala og 1,091 ka ihap sa mga road crash incidents ang Department of Health (DOH) alang sa kinatibuk-ang obserbasyon sa Holy Week sa miaging simana.
Sumala ni DOH Spokesperson Albert Domingo, ang datos natala gikan Marso 29 sa Palm Sunday hantud Abril 2, Maundy Thursday.
Sigon pa niini, ang maong ihap 150% nga mas taas kumpara sa natalang 437 ka road crash incidents niadtong niadtong miaging tuig, 2025.
Gawas niini, gipadayag usab ni Domingo nga walakini nagpasabot nga mingdaghan ang mga aksidente sa dalan, hinuon daghang mga ospital ang naghatag lang sa ilang mga report.
Dugang pa ni Domingo, sa ubang perspektibo, importante usab matud pa ang mga nadawat nga panan-aw sa publiko bahin niini, tungod kay kini mga hinungdan matud pa aron makita kung unsa pa ang angay likayan aron malikayan ang ingon nga mga aksidente sa dalan.
Samtang, sa kinatibuk-ang datos, makita nga mas dako ang natala nga numero sa Central Luzon nga adunay 196, gisundan sa Davao Region nga adunay 161 ug Ilocos nga adunay 159.
