BUTUAN CITY – Miresulta sa pagkamatay usa ka miyembro sa rebelding New People’s Army kon NPA ang natigayong engkuwentro kagahapong adlawa, Abril 15, 2026, sa bukirang parte sa Sitio Bulacan, Barangay Bolhoon, San Miguel, Surigao del Sur mga bandang alas 12:00 sa udtu.
Nasayrang gilusad ang intelligence-driven combat operations sa hiniudang puwersa sa 75th Infantry “Marauder” Battalion og 3rd Special Forces Battalion ilalom sa operational control sa 401st Infantry “Unite N’ Fight” Brigade batuk sa nahabiling grupo sa Regional Operations Command sa North Eastern Mindanao Committee, nga gipangunahan ni Edilberto Reponte Daval, o alyas “Ka Bong” o “Wako.
Tungod sa maong engkuwentro, misibat ang mga rebelde og gi-abandona nila ang usa ka patay,ng lawas sa ilang kauban nga nailang si Alyas “Ka Keroy,”. Narekober usab sa tropa ang 5 ka tag-as nga kalibre sa armas og daghang mga kagamitan sa walhong grupo.
Gihimo ang maong operasyon tungod sa sumbong sa residente nga nabalaka sila sa presensiya sa maong armadong grupo nga matud pa mihimo og pagpangilkil og kwarta og pagkaon ngadto sa kumunidad.
