BUTUAN CITY – Patay ang usa ka membro sa Citizen Armed Force Geographical Unit kon CAFGU) samtang angol ang usa niini ka ka-uban human gibanhigan sa mga rebeldeng New People’s Army (NPA) sa may Purok-5, Brgy. Ang Sto. Niño, Bayugan City, lalawigan sa Agusan del Sur kagabii.
Gi-ila ang namatay nga biktimang si si Jerick Gumapac Daclan, residente sa Sibagat, Agusan del Sur samtang ang angol na-ila usab nga si Wilson Gano Sandaya, kinsa naka-angkon og samad pinusilan sa likod nga bahin sa iyang liog.
Base sa report ni Brgy. Kapitan Alma Tagbe Mahinay, sakay sa motorsiklo ang mga biktima dihang gibanhigan sila sa gibana-banang 40 ka mga armadong lalaki pasado alas-8:00 kagabii.
Nakig-alayon na ang Bayugan City Police Station pagpanguna ni PLCOL Josef Carlo Silang, sa 65th Infantry Battalion (IB), Philippine Army nga mao nay mirekober sa mga biktima ug gidala sa ospital.
