BUTUAN CITY – Gikumpirma ni Department of Interior and Local Government Secretary Jonvic Remulla nga nagpadala na og mga ‘surrender feelers’ ngadto sa gobyerno si resigned Rep Elizalde ‘Zaldy’ Co.
Sa iyang pag-atubang sa mga reporters, gipadayag ni Remulla nga nagpadayag si Co sa iyang interest nga musurender pinaagi sa mga pari sa simbahang Katoliko, kinsa maoy mi-relay sa iyang mga feelers ngadto sa Office of the Ombudsman apan kinahanglan matud pa kining iberipika.
Dugang pa ni Remulla, ang katapusang lokasyon nga nasayran nilang nahimutangan ni Co mao ang nasud sa Portugal kondiin duna kini passport nga nakuha pinaagi sa golden visa program sa maong nasud.
Nasayrang si Co yban sa lain ang mga indibidwal, nag-atubang og mga kasong malversation ug paglapas matud pa sa Anti-Graft and Corrupt Practices Act tungod sa kalambigitan niini sa mga anumalusng ghost flood control projects sa may Mag-Asawang Tubig River sa Naujan, Oriental Mindoro, nga gigahinan og P289.5 million nga pundo.
Siyam sa iyang mga co-accused ang na-aresto na ug gidetine na sa managlahing penal facilities sa Metro Manila.
