BUTUAN CITY – Mamahimo nang ma-avail sa mga pasyente sa nag-unang upat ka mga balay-tambalanan ning syudad sa Butuan ang zero-billing benefit sugod karong adlawa, December 23 taman ugma, Desyembre 24, 2024.
Kini pinaagi sa implementasyaon sa “Zero-Billing Program” nga gi-asdang ni Congressman Joe ‘Joeboy Aquino II kauban ang Department of Health – Caraga Regional Office.
Ilawom sa maong programa, mamahimong wala nay bayaran kadtong mga ma-ospital nga dunay bayronong Php 400,000.00, apan alang niadtung molapas sa maong kantidad, mamahimo gihapon kining malakip sa programa pinaagi sa case-by-case basis nga approval. Ang Medical Assistance to Indigent and Financially Incapacitated Patients kon MAIFIP program, usa sa mga nakab-ot sa nahisgutang kongresista kauban sa DOH-Caraga.
Ma-avail usab kini sa Manuel J. Santos Hospital, Butuan Doctors Hospital, ACE Medical Center, ug Butuan Puericulture Center No. 394, Inc. Aron maka avail, kinahanglan lang magsubmite og Medical Abstract, Hospital Bill nga dunay pirma sa hospital social worker, Barangay Certificate of Indigency, ug valid ID ngadto sa Congressional District Office ni Congressman Joeboy Aquino.
