BUTUAN CITY – Gipamatud-an ni YouTube content creator Zeinab Harake ang iyang gugma alang kang Osaka Evessa cager Ray Parks pinaagi sa puno sa gugmang ikaduhang proposal samtang anaa sa romantikong backdrop sa Japan.
Gipamatud-an ni Zeinab nga ang pag-propose og kasal, dili lang kayang himuon sa mga lalaki kondili kaya usab sa mga babaye ug ning higayuna, nakuha sa content creator ang tam-is nga “yes” gikan sa lalaking unang nag-propose kaniya og kasal. Bisan pa man sa ilang panaglagyo human gikuha ang Filipino-American cager sa Osaka Evessa alang sa 2024-25 Japan B. League Season, wala nila giproblema ang ilang long distance relationship.
Kini tungod kay paglabay sa duha ka buwan, mi-adto si Zeinab sa Nagoya City, miluhod ug nag-propose kang Ray Parks isip pag-reaffirm sa ilang commitment nga mag-uban sa tibuok nilang kinabuhi kansa dali usab nga gitubag og ‘yes’ sa basketbolista. Tungod niini, dili lang sa Pilipinas engaged ang duha kondili apil na sa Japan!
