BUTUAN CITY – Nagmalampuson ang gipahigayong Youth Empowerment Seminar (YES) sa 29th Infantry (Matatag) Battalion, Philippine Army kagahapong adlawa, April 28, 2025 sa may Barangay Mahaba, Cabadbaran City, diin anaa sa 80 ka mga kabatan-onan ang ning partisipar gikan sa mga Barangay sama sa Mahaba, Puting Bato, ug Barangay Calamba.
Tumong sa maong kalihukan ang madasig ang mga batan-on sa pagpanguna sa mga responsibilidad sa katilingban, ingon man mamolda ang personal niining pagtubo, ug mapalig-on pa ang community engagement, lakip na usab ang pagpromote sa peace-building initiatives.
Gilangkuban ang maong seminars sa mga interaktibong lectures, workshops, team-building activities, ug uban pang kalihukan nga makapalambo sa sa kahibalo sa mga kabataan ug arun mamahimo usab kining mga proactive nga mga miyembro sa komunidad.
Gilangkuban ang maong kukabildo sa mga topiko sama sa leadership, nation-building, community service, ug ang delikadong epekto sa drugas ingon man sa insurgent recruitment. Gihatag ang maong mga kahibalo sa mga nagkalain-laing resource speakers nga gikan usab sa nagkadaiyang sektor sama sa pangobyerno, edukasyon, ug siguridad.
Sumala pa ni LtCol Mark Tabon nga “Ang paghatag gahum sa kabatan-onan mao’y yawe sa pagtukod sa lig-on ug mauswagong komunidad.”
