BUTUAN CITY – Dili mu-ubos sa 68 ka mga African refugees ug migrants ang patay human mitikla-ob ang ilang gisakyang bangka sa kabaybayunan sa Yemen, base na sa pagkumpirma sa United Nations migration agency.
Sigon ni Abdusattor Esoev, ang head sa International Organization for Migration (IOM) sa United Nations sa Yemen, sakay sa maong bangka ang 154 ka mga Ethiopians dihang mitiklaob kini sa probinsya sa Abyan sa Yemen.
Hinuon duna’y 12 nga naluwas samtang ang patay’ng lawas sa 54 ka mga refugees ug migrants, nabalas padulong sa baybayon sa Khanfar District ug ang laing 14, napalgan sa managlahing lokasyon ug giangdala na usa ka hospital morgue.
Gibutyag usab sa health office sa Zanzibar, nga mihimo na sila og mga arrangements aron ilubong ang patay’ng lawas sa mga biktima sa kasikbit nga siyudad sa Shaqra.
Nasayrang ang kadagatan tali sa Yemen ug sa Horn of Africa, komon na apan delikadong ruta alang sa mga refugees ug migrants nga maglawig sa susamang direksyon.
