BUTUAN CITY – Gipublisar na sa Department of Budget and Management (DBM) ang usa ka circular nga nagpahibalo sa mga government workers nga makadawat na sila sa ilang year-end bonus ug cash gift sa first payroll nila sunod buwan, Nobyembre.
Gipagawas ni Budget Secretary Amenah Pangandaman ang Budget Circular 2024-3, nga nag-usab sa nagtunhay nga patakaran alang sa distribusyon sa year-end bonus ug sa cash gift.
Subay sa bag-ong circular, ang mga qualified government employees makakuha og year-end bonus balor sa usa ka bulan nilang basic salary ingon man cash gift nga P5,000.
Gipagawas ang maong kausaban human na-obserbahan nga kanunay malangay ang pagdawat sa mga government personnel sa ilang bonus ug cash gifts, nga maka-apekto na hinuon sa ilang morale, motivation, ug level sa kakontento sa ilang trabaho.
