BUTUAN CITY – Palapdan pa ni Pangulong Ferdinand Marcos Jr ang Yaman ng Kalusugan Program kon YAKAP ug uban pang pang serbisyong panglawas pinaagi sa dugang pundo sa Philippine Health Insurance Corporation kon PhilHealth human nga nabalik na matud pa, ang P60 bilyon nila nga badyet.
Partikular nga palapdan ang libreng tambal, laboratoryo ug cancer screening— aron mas daghang Pilipino ang makapahimulos sa preventive ug primary care.
Tumong sa YAKAP nga gilusad niadtong Hulyo 2025 isip gipalapdang bersyon sa Konsulta program nga malikayan ang sakit pinaagi sa regular nga check-up, libreng gamot ug screening dili lang sa mga membro kondili api l na ang ilang mga dependents gikan sa mga bata hangtud na sa mga tigulang.
Tungod sa dugang pundo, mas daghang mga YAKAP Clinics na ang matukod sa nagkada-iyang rehiyon, mas lapad na usab ang coverage sa libreng gamot ug diagnostic tests.
