BUTUAN CITY – Gikumpirma ni Atty. Francesca Señga, tigpamaba ni kanhi Sen. Bong Revilla, nga nagsubmite na ang kanhi magbabalaud og ‘counter-affidavit’ sa prosekusyon ukol sa reklamong plunder nga iyang gi-atubang.
Kini aron tubagon ang maong reklamo kalabot sa gika-ingong anomalya sa mga flood control projects.
Ang kaso usa sa daghang plunder complaints nga gisang-at batok kang Revilla ug uban pang personalidad sama nila kanhi DPWH Secretary Manuel Bonoan, ug Henry Alcantara, engineer sa Bulacan First District.
Sigon ni Atty Señga, gisubmite ang counter‑affidavit aron ipakita ang depensa ni Revilla ug aron ipanghimakak ang mga akusasyon nga adunay anomalya sa mga proyektong gitu-uhang duna’y kutay kaniya.
Ang gikatingala niya kay dhihang nagduso na sila og affidavit, kalit na lang mi-atras ang tulo nga co-accused sa kanhi senador nga dili na mutubag sa rasong na-discharge na matud pa sila sa Witness Protection Program.
