BUTUAN CITY – Gikumpirma sa social media influencer nga si Christian Albert Gaza kon mas naila sa bansag nga Xian Gaza nga nag-ipon na diay sila Xian Lim ug Iris Lee bisan og karelasyon pa sa aktor si Kim Chiu.
Nabulabog ang relasyon sa duruha pinaagi sa vlog sa talent manager nga si Ogie Diaz kansa napalig-on pa sa nanggawas nga mga hulagway sa duruha nga magka-uban kansa gi-share online ni @erich_lee20.
Makita ang hulagway ni Xian nga nakig-bonding sa mga higala ni Iris ug mga ka-ubanan niini sa ilang motorcycle rides, apil na ang singer-songwriter nga sil Juan Karlos ‘JK’ Labajo ug Miss Universe Philippines-Cavite Dia Mate.
Ang maong mga hulagway mi-abi og nagkada-iyang reaksyon gikan sa mga netizens kondiin ang uban misaway kang Xian samtang ang uban usab, mihatag sa ilang suporta kung tinuod man ang maong tsika.
Ang mas dili madawt karon sa mga fans ni Kim Chiu mao ang tsikang gikasal na sila Xian ug Iris sa New York, pila ka buwan lang human gi-anunsyo sa aktor ang panagbulag nila sa dugay na kaayo niyang hinigugmang si Kim Chiu.
Daw napalig-on kini sa post ni Xian, nga aw maghatag og clue sa ‘special day’ sa ilang kinabuhi.
