BUTUAN CITY – Gipagawas ang bench warrant sa Quezon City Regional Trial Court laban kang Arnel Pineda, lead vocalist sa American rock band nga Journey, kini human wala mitunga ang maong singer sa arraignment kalabot sa kasong gisang-at sa kanhi niining asawa.
Gipagawas sa korte ang maong warrant human sa makapila ka higayong pagsaad sa abogado niining motunga ang singer.
Dunay kalabuitan sa Anti-Violence Against Women and Their Children Act (RA 9262) ang kasong giatubang sa nasangpit nga artist.
Sumala pa nga gipasaka batok kang Arnel ang kasong marital infidelity ug psychological abuse, lakip na ang wala pag hatag og financia support, pag-abandona, ingon man verbal o emotional abuse.
Saysay sa asawa niini sa gilagdaang affidavit nga mas ningsamot matud pa ang kapait sa ilahang relasyuon niadtong 2021, hangtud nga nagbuwag sila.
Usa sa mga hinungdan sa kanhi niining asawa ang pagdala ni Arnel sa menor de edad nilang anak sa US samtang anaa kini sa tour bisan kon walay pagtugot sa inahan.
Gikatakdang moatubang ang lead vocalist sa Setyembre 17 hukman giserve ang warrant niadtung Setyembre 12. Sumala sa mga otoridad, wala ang singer sa address diin nakapangalan ang maong warrant.
Sayrang bailable ang maong kaso sa pyansang P72,000.
Wala pa nagpagawas og pamahayag ang singer sa maong isyu.
