BUTUAN CITY – Gitudlo ni United States President-elect Donald Trump si World Wrestling Entertainment kon WWE co-founder kinsa iya usab nga transition co-chair, Linda McMahon, isip iyang education secretary nominee. Si McMahon nga dugay nang ka-alyado ni Trump, maoy nanguna sa Small Business Administration atol sa unang presidency ni Trump ug midonar og milyunes dolyares ngadto sa iyang presidential campaign.
Sigon ni Trump, gamiton ni McMahon ang iyang pila ka dekada nang kasinatian isip usa ka lider ug ang iyang lawom nga pagsabot sa edukasyon ug negosyo sa ingon mahatagan og kagahom ang sunod nga henerasyon sa mga American students ug mga trabahante nga mao matud pa’y maghimo sa America nga numero uno sa edukasyon sa tibuok kalibutan.
Si McMahon duna na’y taas nga kasaysayan sa WEE kondiin co-founder siya sa wrestling league uban sa iyang bana niadtong 1980, ug mi-resign isip Chief Executive Officer niadtong tuig 2009 tungod sa iyang pagdagan pagka-Senador apan napildi. Duna siya’y gamay lang nga background sa edukasyon apan nakasilbi siya sa board of education sa Connecticut gikan niadtong 2009 hangtud 2010.
