BUTUAN CITY – Gilauman nga mosaka pa gayud ang ranggo ni Pinay tennis star Alex Eala sa Women’s Tennis Association (WTA) kung magpadayon ang iyang kalampusan sa WTA 250 Sao Paulo Open sa Brazil.
Kini human ang iyang pagdaog sa WTA125 Guadalajara Open sa Mexico, nga maoy nakapasaka sa iyang ranggo ngadto sa ika-61 gikan sa ika-75.
Bag-uhay lang, gibuksan sa Pinay tennis sensation ang iyang WTA 250 Sao Paulo Open campaign uban sa dominanteng 6-0, 6-2 nga kada-ugan batuk kang French qualifier Yasmine Mansouri rason nga sulod na siya sa round of 16 sa dula.
Siya ang seed number 3 sa torneyo kondiin milungtad ang ilang dula sa usa ka oras og 10-minutos.
Madumdumang gikan pa lang sa iyang malampusong Guadalajara 125 Open journey si Eala kansa mao ang iyang unang , WTA title human niya gipildi si Panna Udvardy sa Hungary sa final, sa score nga 1-6, 7-5, 6-3, pinaagi sa usa ka come-from-behind win.
Maka-agbat ni Eala sa round of 16 si Julia Riera sa Argentina, nga mao ang World No. 188.
