BUTUAN CITY – Nagdesisyon ang Appeals Chamber sa International Criminal Court kon ICC nga ipaagi na lang sa written submissions ang apela ni kanhi Pangulong Rodrigo Duterte batuk sa iyang detention.
Base sa gipagawas nga kamanduang pinetsahan og Enero 29 ning tuiga, gimanduan ang kampo ni Duterte nga magsubmite og dili mu-ubos sa 20 ka palid nga appeal brief hangtud karong Pebrero 5.
Gitugutan usab ang deputy prosecutor ug ang mga legal representatives sa mga biktima nga magsubmite sa ilang mga tubag hangtud sa Pebrero 12 kalabot sa pagkwestyon ni Duterte sa naha-unang desisyon sa Pre-Trial Chamber nga ipadayon ang pagtanggong kaniya sa ICC detention facility.
Madumdumang gi-aresto ang kanhi pangulo niadtong Marso 11 ning mi-aging tuig sa iyang pag-abot gikan sa Hong Kong may kalabutan sa imbestigasyon pa sa ICC sa alegasyong war on drugs atol sa iyang administrasyon.
