BUTUAN CITY – Mahinungdanon alang sa Bombo Radyo Philippines ang pagsa-ulog karong adlawa sa World Radio Day isip paghatag og bili sa papel sa radyo diha sa paghatag og impormasyon, edukasyon ug kalingawan ngadto sa katawhan.
Kini tungod kay na-atol usab kini sa ika-60 ka tuig na nga pagpanganaw-kanaw sa network diha sa broadcast industry kon media excellence sukad nga gitukod kini niadtong 1966 sa Iloilo City pinaagi ni Marcelino Florete Sr.
Paglabay sa panahon, mitubo kini ug karon duna na’y 32 ka mga AM ug FM stations sa tibuok nasud ubos sa pagpanguna nila Chairman Dr. Rogelio M. Florete ug President/Chief Executive Officer Margaret Ruth Florete.
Sigon ni President Margareth Ruth Florete, makahuluganon ang maong kasa-ulugan tungod sa dili matupngan niining performance rason nga ang Bombo Radyo mao karon ang numero uno ug pinaka-gisaligang trusted radio network sa tibuok.
Nasayrang ang selebrasyon sa World Radio Day nga duna’y temang ‘AI is a tool, not a voice,’ nagpasabot nga ang Artificial Intelligence mahimong tabang sa mga broadcasters – sa pag-analisar sa datos, sa pagtabang sa research, ug sa paghatag og mas episyente nga serbisyo.
Apan, ang tingog sa radyo magpabilin nga gikan sa tawo – gikan sa mga broadcasters nga nagdala sa kasaligan nga impormasyon ug kasingkasing nga istorya.
