BUTUAN CITY – Giandam na sa kampo ni Algerian Boxer Imane Khelif ang mga kasong ilang ipasaka batok nila ni JK Rowling ug X owner Elon Musk tungod sa alegasyong cyber bullying atul sa Paris 2024 Olympics.
Kini ang gikabutyag sa abogado sa nasangpit nga atleta nga si Nabil Boudi.
Kahinumduman nga nahimong hisgutnaan sa hustisya ang pagsalmot ni Khelif sa Womens’ boxing sa Paris Olympics tungod kay pagtuo sa kadaghanan, usa man siya ka lalaki. Alayon niini, daling naka share sa post sa swimmer nga si Riley Gaines kansa nagkanayon nga “men don’t belong in women’s sports”.
Ning segunda usab sa maong issue ang writer sa Harry Potter nga libro nga si JK Rowling nga daw nag enjoy pa si Khalif sa gihimo niining pagpanumbag sa Italian Boxer nga si Angela Carini kansa ning biya sa dula 46 segundos ang nakalabay tungod sa kasakit nga gibati niini sa kinumo ni Khelif.
Apan sumala sa International Olympic Committee nga babaye gayud si Khelif, kansa suportado usab sa pamilya niini nga nagpost pa og litrato sa batang si Imane nga babaye ang hitsura.
Kahibaloang wala giila si Khelif sa International Boxing Association (IBA) tungod kay wala kini naka pasar sa gender eligibility tests niadtung 2023.
