BUTUAN CITY – Giharos sa taga-Butuan City ang mga premyo sa grand draw sa Swerte sa Palengke 2024, Balde-Baldeng Papremyo na, May Cash pa’. Kini human nasakmit ni Emmanuel Ponce , 49-anyos, nga taga-Purok 5, Brgy. Ampayon ang major prize nga 30-mil pisos; samtang si Cerila Tejero usab 57-anyos, nga taga-Purok 4, Brgy. Los Angeles ang nakadaug sa 15-mil pisos cash isip ikaduhang mananaog; ingon man si Jernaline Ligad, 33-anyos sa Purok 7, Brgy. MJ Santos usab ang nakadaog sa 10-mil pisos nga ikatulong ganti.
Samtang ang tulo ka tag-5 mil pisos nga consolation prices, nadag-an nila Rudy Delara, 79-anyos nga taga-Purok 9, Brgy. Maguinda; Loida Elumba, 42-anyos nga taga-Purok 19, Alviola Village, Brgy. Baan Km. 3 ug Mary Ann Jumamil, 43-anyos nga taga-6th St., Village 2, Brgy. Libertad ning siyudad.
Ang promo tinuig nga gilusad sa Bombo Radyo Philippines isip pasalamat sa tanang mga tigpaminawan niini, mga viewers ug mga followers tungod sa paghimo sa Bombo Radyo isip number 1 most trusted radio network in the country.
