BUTUAN CITY – Gipasidunggan sa city government sa Surigao ang usa ka estudyante sa Caraga Regional Science High School nga si Kizzia Mae Tiu, tungod sa dakong kalampusan nga iyang nakab-ot ug pagbutang sa Surigao City sa mapa sa global mathematical excellence.
Kini human nahimong pinaka-unang qualifier sa prestihiyosong Merit Award sa World International Mathematical Olympiad kon WIMO Final nga gipahigayon sa Shenzhen, China niadtong Enero 2 hangtud 5, ning tuiga.
Nagmarka kini og kasaysayan alang sa akademikong komunidad sa Caraga Region human nakigsangka sa pipila ka maalamong batan-ong matematisyan sa kalibutan.
Gi-ubanan si Tiu sa iyang coach nga si Gemma Orozco kansa naghatag usab og inspirasyon sa tanang “Batang Surigaonons” kansang abilidad ug talento, mahimong makiglumba ug modaug sa pinakataas nga lebel sa internasyonal nga kompetisyon.
