BUTUAN CITY – Gi-ban na si Will Smith pagtambong sa Oscars gala ug uban pang mga Academy events sulod sa napulo ka tuig human niini gilaparo sa entablado ang komedyanteng si Chris Rock atol sa Oscars.
Ang Academy Of Motion Picture Arts and Science, nga maoy nag-organisa sa awards ceremony, virtual nga nagtagbo aron hisgutan ang disciplinary action bisan og nakapangayo na og dispensa si Smith sa iyang nahimo ug mi-resign na gikan sa Academy.
Madumdumang gisaka ni Smith si Rock diha sa entablado dihang gigara-garaan niini ang nagpa-upaw niyang asawa kansa resulta sa nasinatian niyang hair-loss condition nga mao ang alopecia.
Wala ray oras, gitunol kang Smith ang best actor award trophy tungod sa iyang papel sa pelikulang “King Richard”, kondiin iyang gihuptan ang papel isip amahan sa mga tennis stars nga sila Venus ug Serena Williams.
Sa gipagawas nga pamahayag. gipadayag sa Academy nga ang 94th Oscars nahabulan sa dili madawat ug dii maayong taras human nakita ang gihimo ni Smith sa entablado.
Gidugang pa sa organisasyon nga ang natigayong paglaparo, wla mutukma sa sitwasyon sa palibot ug labaw nga wala napangandaman rason sa ilang pagpangayo og pasaylo.
Gipasalamatan usab sa Academy si Rock tungod sa pagmintina sa iyang composure ilawom sa extraordinary nga sirkumstansya.
Gipasabot usab niini nga ang pag-ban kang Smith gitumong aron protektahan ang ga performers ug mga guests ug ron mabalik ang pagsalig ngadto sa Academy.
