Sikop na sa mga kapulisan ang suspek nga responsabli sa pagpusil-patay sa duha ka mga indibidwal, sa lungsod sa Gigaquit, Surigao del Norte niadtung mismong adlaw sa eleksyon, Mayo, 12.
Subay sa hiniusang hot pursuit operation nga gilusad sa Gigaquit Municipal Police Station, uban sa koordinasyon sa mga sakop sa Regional Special Operations Group (RSOG) ug Alegria Municipal Police Station, nadakpan ang suspek si alyas “Jojo Plaza; kauban ang live-in partner, kansa parehong taga Purok 3, Poblacion 2, Santiago, Agusan del Norte.
Kini ang gikumperma ni PCOL Warren Dablo, Provincial Director sa Police Provincial Office-Surigao del Norte.
Kahibaloang nadakpan ang suspek bandang alas 12:10 sa udto kagahapong adlawa, Mayo 14, sa may Purok 2, Barangay Gamuton, Alegria, Surigao del Norte.
Atubangonniini anh kasong robbery with homicide.
Kadumdumang miresulta sa kamatayon ni Enrica Coter-Alegre, 58-anyos ug Sanar Cantilla ang nahitabong shooting incident niadtung Mayo 12 sa may Purok Mapuslanon, Barangay San Isidro, Gigaquit, Surigao del Norte tungod sa pagpangawat sa mga suspek.
Kasamtangang anaa na karon sa kustodiya sa Gigaquit Municipal Police Station ang maong suspetsado alang sa tukmang disposasyon.
