BUTUAN CITY – Ni-landfall na ang bagyong Emong sa lungsod sa Agno, Pangasinan bandang alas 10:40 ang takna kagabie. Subay niii, Kanselado opa gihapon ang klase sa ubang mga lugar sa Pilipinas tungod sa epekto sa mga bagyong Dante ug Emong ingon man sa hanging habagat.
Sa Ilocos Region, suspendido na ang klase sa tibuok probinsya sa Pangasinan alang sa tanang lebel sa pampubliko ug pribadong tunghaan. Ubay-ubay na usab nga mga lungsod sa probinsya, partikular ang Umingan, Malasique, Mapandan, Dagupan City, Calasiao, Lingayen, Malasiqui, Mangatarem, ug Sta. Barbara ang nagdeklarar na og state of calamity tungod sa grabe nga pagbaha nga ni-igo sa maong mga lugar, kansa ningresulta sa pagpanghikling sa mga residente.
Sa National Capital Region, suspendido na usab ang klase sa mga dakbayan sa Malabon ug Navotas sa tanang lebel sa publiko ug pribadong tunghaan.
Sa Calabarzon, kanselado na ang klase sa Silang ug General Trias City, probinsya sa Cavite alang sa tanang lebel sa publiko ug pribadong tunghaan, lakip na usab sa Antipolo City, ingon man sa mga probinsya sa Mimaropa, ug Occidental Mindoro. Sayrang kapin sa 5,000 na usab ka mga tawo ang namakwit tungod sa mga pagbaha sa dakong bahin sa Luzon, subay na sa datus nga gipagawas sa Philippine Coast Guard kon PCG. Sumala ni PCG Spokesperson Capt. Noemie Cayabyab nga nakatutok ang rescue operations sa mga lugar nga naapektuhan sa baha lakip sa Valenzuela, Cavite, Laguna, Bulacan, Bataan, Pampanga ingon man sa Pangasinan.
Gibana-bana usab nga anaa na sa 6,700 ka mga personahe ang naka-full alert aron makahimo og rescue operations bisan unsang orasa. Subay niini, gipaniguro ni Department of Social Welfare and Development Spokesperson Irene Dumlao nga padayon pa ang ilahang pagpangahatag sa mga family food packs alang sa mga naigo sa bagyo, ilabi na niadtung mga anaa sa evacuation centers.
