-- ADVERTISEMENT --
BUTUAN CITY – Gikatakdang i-uli sa ilang pinuy-anan ang patay’ng lawas sa usa ka ulitawo human nakuryentihan atol sa iyang trabaho pasado alas- 6:20 kagabii.
Nadala pa sa ospital ang 22-anyos nga si Christopher Canas, residente sa Brgy. San Isidro, Mainit, Surigao del Norte apan gideklara kining patay sa attending physician pagka-alas 7:15 sa gabii.
Sigon sa report sa ilang Human Resource officer, nag-welding sa mga sakyanan sa gitrabahuang kompanya ang biktima dihang midikit sa iyang dughan ang welding rod hinungdan nga siya nakuryentihan.
Wala na kini matabang pa og hingpit nang nakabsan sa iyang kinabuhi. (Beth Ruiz)
