BOMBO BUTUAN – Nagmalampuson ang kontrobersyal nga transwoman nga si BB Gandanghari sa karera niini human siya nagtapos isip summa cum laude sa kursong Bachelor of Science in Entertainment Business sa Los Angeles Film School.
Gipaambit ni BB ang maong kalampusan kagahapong adlawa, Dominggo, sa instagram account niini, lakip sa gipaambit niini ang video sa iyahang graduation ceremony ug mensaheng puno sa pasasalamat. Gipasigarbo usab niining usa matud pa siya ka working student nga dunay perfect attendance ug wala sukad malate sa klase.
Gawas sa Latin honor, giila usab si BB isip Student of the Month ug kawsa sa Honor Society of Los Angeles. Una nang gikabutyag ni BB nga gisulod niini ang film school arun hatagan og katumanan ang iyahang pangandoy alang sa producing ug directing.
Naila kaniadtu si BB nga si Rustom Padilla, ug nahimong isyu kaniadtu ang pag-angkon niining mahuyag siya sa national television. Asawa niini kaniadtu ang aktres nga si Carmina Villrroel, apan naaprubahan ang ilahang annulment niadtung 2002.
