‘warrantless arrest’ sa mga vote-buyers/sellers, dunay pagtugot sa balaod sigon sa COMELEC

BUTUAN CITY – Giawhag sa Commission on Elections (COMELEC) ang Philippine National Police (PNP) nga pahugtan pa ang pagbantay sa mga namalit og boto.

Sumala ni COMELEC chairman George Garcia, dili na matud pa kinahanglan ang warrant of arrest sa pagsikop sa mga masakpang mopalit og boto tungod kay gitugotan naman kini sa balaod.

Bilin pa sa COMELEC sa kapulisan isip deputized agent, kinahanglan matud pang pahugtan niini ang pag-aresto sa mga namalit og boto.

Dugang sa ahensya nga bisan ang mga namaligya og boto, mamahimo usab nga arestuhon ug mamahimong mapriso ngadto sa unom ka tuig.

Subay niini, giawhag usab ang publiko nga kuhaan og litrato o kaha video ang mga namalit og boto.