BUTUAN CITY- Gikompirma ni Acting PNP Chief Lt. Gen. Jose Melencio Nartatez Jr. nga anaa sa proseso na ang ilang team aron isilbi ang warrant of arrest batok sa negosynteng si Charlie “Atong” Ang.
Kahibaloan nga mipagawas na og warrant of arrest ang korte sa Santa Cruz, Laguna kalabot sa kasong gisagubang ni Atong Ang. Gipadayag ni Nartatez, nga nasuta na nila kung asa i-serve ang warrant of arrest batok sa negosyante.
Sigon ni Nartatez atol sa Press Briefing sa Palasyo, nga nakigtambayayong usab sila sa mga personahe sa Court Branch 26, Santa Cruz Laguna alang sa implementasyon sa maong warrant of arrest.
Dugang pa ni Nartatez, nga aduna na usab laeng grupo sa PNP nga on-the-way na sa pagsilbi og warrant of arrest sa nagkalain-laing lokasyon aron nga isilbi ang maong warrant kang Ang ug sa lain pang uban nga nalambigit sa kaso.
Sa pagkakaron gibutyag ni Nartatez, nga ang uban pang mga personalidad nga lakip sa maong warrant anaa sa restricted custody na sa Philippine National Police partikular ang 11 ka Police Personnel kansa gitudlong nalambigit sa missing sabongero, ang ubang nalambit nga aduna nay warrant of arrest gi-manduan na usab matud pa nila nga mosurrender sa PNP Criminal Investigation and Detection Group.
