-- ADVERTISEMENT --
BUTUAN CITY – Dinhi ra sa dakbayan sa Butuan nadakpan ang number 1 most wanted person sa Gingoog City, lalawigan sa Misamis Oriental kinsa nag-atubang og 53 ka ihap sa kasong pagpanglugsod kon rape.
Sa tabang sa social media diin gi-post ang hulagway sa suspek apil ang kasong iyang gilambigitan, malampusong nasikop si Rustom Sampan Juagpao Jr. sa Purok Pinaghi-usa, Brgy. Agusan Pequeño ning siyudad.
Ang pagsikop kaniya gihimo sa hini-usang pwersa sa Butuan City Police Office, Butuan City Police Station 2 og sa Gingoog City Police Office.
Gikatakda siyang dalhon sa Gingoog City aron ipresenta sa issuing court alang sa tukmang disposisyon.
