BUTUAN CITY – Gipakatap sa mga miyembro sa Akbayan Party ang mga ‘Wanted’ poster ni kanhi Presidential spokesperson Atty. Harry Roque sa Kalayaan Plaza, Barangay Central, Quezon City kagahapong adlawa. Gipanghartag kini sa mga residente, tricycle drivers ingon man sa mga vendors sa maong lugar. Nakasulat sa maong posters ang “WANTED, Harry Roque POGO lawyer”.
Alayon niini, gipanawagan usab sa maong grupo kang Roque nga mo-surrender na kini ug atubangon ang arrest order batok kaniya sa House Quad Committee tungod sa pagdumili niini sa pagsumite sa mga dokumento nga gipangayo kaniya sa komitiba may kalabotan sa pagdako sa iyang bahandi. Lakip sa gipangayo kaniya sa komitibe ang iyang Statement of Assets Liabitlities and Networth kon SAL-N ug uban pa.
Sumala ni Akbayan Youth secretary general Khylla Meneses nga dili lang ang blay-balaoranan ang naggukod kang Roque kundili apil na ang katawhang Pilipino alang matud pa sa mga tubag sa mga pangutanang may kalambigiotan sa papel ug relasyon niini sa sa Philippine Offshore Gaming Operators kon POGO.
Giawhag usab sa maong partido ang publiko nga tabangan ang mga awtoridad sa pagpanita kang Roque. Kahinumduman nga ning semanaha lang, gimando na sa hepe sa Philippine National Police (PNP) nga si Gen. Rommel Francisco Marbil ang pagmugna og tracker teams aron isilbi ang warrant of arrest batok kang Roque.
