BUTUAN CITY – Na-aresto ang pinangeta sa balaod tungod sa kalapasan sa Section 10(a) ‘Other Acts of Abuse’ sa Republic Act 7610 atol sa police operation mga ala1:00 sa hapon sa may Purok 7, Barangay 23-Holy Redeemer, Butuan City.
Naila ang suspetsado nga si Rolando Cagulangan Burdeos alyas. “Allan Burdeos”, 29-anyos nga residente sa maong dapit.
Base sa records sa BCPS2, ang suspetsado nanglaparo og babayeng dunay deperensiya sa pangisip niadtong tuig 2015.
Apan sumala sa suspect, wala siya naka-kontrola sa iyang kaugalingon ilabina kay ang biktima ang unang midasmag kaniya.
Ang kaso gipasaka sa amahan sa biktima nga miresulta sa pagpagawas sa Warrant of Arrest ilalom sa criminal case number 2019-484 ni Hon. Judge Eduardo S. Casals, RTC, Branch 1, ning siyudad niadtong Hunyo 14, 2019 nga dunay 80-mil nga gikatakdang piyansa.
Sigon ni Police Cpt. Romeo Sentinta Jr., station commander, ang suspect temporary karung gikustudiya sa BCPS2 ug e-turned-over ngadto sa korte nga nag-isyu alang sa tukmang disposisyon.
