BUTUAN CITY – Boluntaryong misurender ang suspetsado sa kasong pagpanglugos ngadto kang Brigadier General Gilberto DC Cruz, Regional Director sa Police Regional Office kon PRO-13 niadtong nakalabay nga adlaw.
Sigon ni BGen Cruz, usa ka Pedro O Mandawe, 41-anyos, self-employed ug residente sa Luningning St., Caceres Subdivision, Barangay San Isidro, General Santos City, ang mi-angkon nga milugos sa iyang 14-anyos nga pag-omangkon, Grade 7 pupil, niadtong Hulyo 21, Domingo sa iyang pinuy-anan.
Ang suspek nga si Mandawe, gi-asisteran sa iyang igsoong babaye, miatubang kang BGEN Cruz aron boluntaryong itahan ang kaugalingon ug atubangon ang kasong gipasaka batuk kaniya.
Kagahapon sa sayu sa buntag, giturn-over nila Lieutenant Colonel Christian L Rafols II, Chief sa Regional Public Information-13 ug PSSg Christopher Neil A Sagusay, Admin PNCO si Mandawe ngadto sa General Santos Police Station 4 nga nahimutang sa Nuñez St. Barangay San isidro, General Santos City, alang sa tukmang disposasyon.
Sa tabang sa iyang abogado nga si Attorney Psyche Rizavi F. Mamadra, mihimo ang suspek sa extra-judicial confession aron mahimong pormal ang iyang testimonya.
Sumala sa General Santos Police Station 4, kasong Rape in relation to Republic Act 7610 (Anti-Child Abuse Law) ang gipasaka batuk sa suspetsado.
