BUTUAN CITY – Nasikop sa kapulisan ug kasundaluhan ang presidente sa Unyon ng Mag-Uuma sa Agusan del Norte konUMAN, usa matud pa ka rebelde ubos sa “White Area Committee kon WACOM kinsa wanted tungod sa kasong kdnapping ug serious illegal detention kaganinang alas-12:40 sa hapon.
Naila ang dinakpan nga si Proceso Torralba kinsa nadakpan sa hini-usang operatiba sa Regional Intelligence Unit 13, Agusan del Norte Provincial Intelligence Branch, Butuan City Mobile Force Company ug Butuan City Police Station 4 uban sa AFP operatives sa 42nd Military Intelligence Company sa Purok 3, Brgy. Bobon ning siyudad.
Kini base na usab sa gipahugtang manhunt operation bitbit ang warrant of arrest nga gi-isyu ni acting presiding judge Fernando Fudalan Jr sa 10th Judicial Region, RTC Branch 7, Bayugan City, Agusan del Sur.
Sigon ni Brigadier General Joselito Esquivel, Jr, regional director sa PRO-13, apil matud pa si Torralba sa mga rebeldeng CPP-NPA nga mi-raid sa 8th Special Force Company Patrol Base sa Purok 1, Barangay New Tubigon, Sibagat, Agusan del Sur niadtong alas-tres sa kaadlawon sa Disyembre 19, 2018.
Sa maong hitabo ilang nabitbit ang nagakda-iyang klase sa armas dayong dagit sa duha ka mga AFP cadremen.
Gidayeg ni RD Esquivel, Jr ang tanang mga personaheng nalambigit sa malampusong operasyon nga mugna matud pa sa maayong relasyon tali sa kapulisan ug kasundaluhan uban sa aktibong suporta sa komunidad.
Gipanawagan usab niini kadtong nagpabilin pa sa armadong pakigbisog nga mutahan na sa gobyerno aron maka-avail sa mga benepisyo gikan sa Enhanced Comprehensive Local Integration Program or E-CLIP.
