BUTUAN CITY –Dakpan ang usa ka american national nga pinangeta sa balaod sulod sa usa ka sam-ang sa may Barangay Hubang, San Francisco, Agusan del Sur kaganina sa alas 8:00 sa buntag.
Na-aresto sa ginsakpan sa San Francisco Municipal Police Station ang american national nga si alyas Jonathan 47-anyos, residente sa Hardaway drive, Goodlettsville, Tennesse ug temporaryo kining nagpuyo sa P-7, Binucugon Bislig City, Surigao del Sur.
Dala sa otoridad ang warrant of arrest sa kasong pagsupak sa Akto Republika 9262 o Anti-Violence Against Women and their Children Act ilalom sa criminal case number 8200 nga pinetsahan niadtong Hunyo 15, 2017 nga permado ni HON. KIMAL M. SALACOP, Executive Judge, RTC Branch 6, Patin-ay, Prosperidad, Agusan del Sur ug adunay girikomendar nga tukmang piyansa nga nagkantidad ug 48-mil pesos.
Ang maong suspetsado anaa karon sa kustodiya sa kapulisan sa San Francisco Municipal Police Station para sa tukmang disposasyon.
Ang pagkasikop sa suspek tungod sa gipahugtang seguridad atol ning paghandum sa adlaw sa mga patay..
