BUTUAN CITY– Walay kinahangaln nga ikadismaya sa nahimong desisyon sa House of Representatives nga palig-onon ang pagbasura sa impeachment complaint batok kang Pangulong Ferdinand “Bongbong” Marcos Jr. kini ang gipasi-ugda sa Palasyo, Malakanyang.
Sumala ni Palace Press Officer Under Secretary Claire Castro, nga klaro ang nahimong resulta sa botohan sa Kamara, kung asa 284 ka magbabalaod ang mingbutar nga pabor sa pagbasura sa reklamo, kumpara sa 8 ka mingsupak.
Gibutyag usab sa Palace official nga pakyas ang mga reklamo tungod sa kakuwang og sustansya ug dili matud pa gamiton ang impeachment isip “fishing expedition.”
Sigon pa ni Castro, nga dili lang miyembro sa mayorya sa Kamara ang mingbutyag nga walay basehan ang mga akusasyon, kundi ingon man ang mga legal experts ug constitutionalists kansa mingbutyag nga kuwang sa kalig-on ang basehan sa gipasakang reklamo batok sa Presidente.
Una na nga gipalig-on sa House of Representatives ang rekomendasyon sa Committee on Justice nga ibasura ang impeachment complaints tungod sa insufficiency in substance.
