BUTUAN CITY – Nagtoo si kanhe Supreme Court (SC) Senior Associate Justice Antonio Carpio nga usa ka maayong desisyon ang wala pagka-apil kang Atty. Harry Roque sa legal team ni kanhe Pangulong Rodrigo Duterte.
Una nang gi-angkon ni Vice President Sara Duterte nga dili apil si Roque sa legal team sa kanhe pangulo bisan paman sa iyang pagtumaw niadtong miatubang ang kanhe pangulo sa Pre-Trial Chamber sa International Criminal Court (ICC).
Pamugos ni Carpio nga duna nay mga conflicting statement si Roque batuk sa kanhe pangulo adiser pa siya nagsilbi isip tigpamaba niini. Gipananglitan ni Carpio ang mga naunang pamahayag sa kanhe presidential spokesperson nga nagbatikos sa extrajudicial killings (EJK), ilabina niadtong gidepensahan pa niya ang matud pa mga biktima sa EJK.
Sumala ni Justice Carpio, usa ka dakong problema sa kampo sa kanhe pangulo kung ipresenta sa prosecution ang mga naunang statement ni Roque sa pagdungog nga himoon sa ICC ug posibleng mahimong hinungdan pa sa hingpit nga pagkakumbikto sa kanhe pangulo.
Si kanhe Supreme Court (SC) Senior Associate Justice Antonio Carpio.
