BUTUAN CITY – Ningkabat na sa kinatibuk-ang 13 ka mga indibidwal ang namatay sulod sa 49 ka mga validated election-related incidents sukad nagsugod ang election period sa Pilipinas niadtung Enero 12 ngadto sa Mayo ning 2025 Local ug National elections.
Sumala sa Philippine National Police kon PNP nga upat sa mga namatay ang natala sa Cordillera Administrative Region (CAR), tulo usab ang gikan sa Zamboanga Peninsula, ug duha sa Cagayan Valley.
Duna usay tag-usa nga natala sa Ilocos Region, Central Luzon, Soccsksargen, and Bangsamoro Autonomous Region in Muslim Mindanao (BARMM).
Dugang sa kapulisan nga tulo pa lamang sa suspek sa nasangpit nga bulag nga mga krimen ang nasikop, samtang 44 niini ang kamulo pang gipangita sa mga otoridad.
Kasagran sa mga natalang insidente kay naglambigit sa pagpamusil kansa dunay natlaang 25 ka mga kaso, samtang ang uban, gilangkuban sa strafing, threat, harassment, explosion, kidnapping with homicide, mauling, paglabog og granada, ug uban pa.
Gawas sa mga validated na nga kaso, ning saka usab ngadto sa 86 ang suspected election-related incidents ug kasamtangan pang giimbistigahan sa mga kapulisan.
Sumala sa mga otoridad, anaa matud pa sa 27 kabook ang natalang krimen sa mismong adlaw sa Piniliay.
Apan taliwala pa man sa nasangpit nga mga reports, gipamugos sa PNP nga nagmalinawon gihapon sa kinatibuk-an ang Piniliay 2025.
