BUTUAN CITY – Nakadawat og pasidungog ang Bombo Radyo Philippines atol sa gihimong Pasidungog Awards 2025 sa Office of the Vice President ning adalwa, Hunyo 16. Kini alang sa walay puas niining kontribusyon sa katawhan pinaagi sa dedikasyon sa serbisyo publiko.
Gipahigayon ang maong kalihukan sa SMX Lanang, Davao City diin gitunol sa Office of the Vice President ang maong award sa Bombo Radyo nga girepresenta ni Bombo Levie De Leon, OIC – Station Manager sa DXMF Bombo Radyo Davao.
Mismong si Vice President Sara Duterte ang nangulo sa maong Pasidungog awards.
Gihimo sa Office of the Vice President ang nasangpit nga pagpangahatag og awards isip pag-ila sa mga indibidwal ug entidad nga dunay katakos sa pag-alagad ug nagpakita sa dili matupngan nga serbisyo alang sa katawhan.
