BUTUAN CITY – Aminado si Bagong Alyansang Makabayan kon Bayan President Renato Reyes Jr nga magduso usab sila og ilang kaugalingong impeachment complaint karong adlawa batuk kang Pangulong Ferdinand Marcos Jr.
Kini aron ma-apil kini pagduso ngadto sa Office of the Speaker sa ingon malikayan ang one-year bar rule nga gitakda sa 1987 Constitution.
Aminado kining duna’y dakong epekto sa ilang idusong reklamo ang unang impeachment complaint nga giduso ni Atty Andre de Jesus ngadto sa House of Representatives niadtong Lunes nga maoy naghatag kanila og pressure aron iduso usab ang ilang kaugalinging reklamo.
Kini ilabina nga nanggawas ang mga obserbasyon sa pipila ka mga magbabalaud nga huyang kini ug dako ang posibilidad nga dali rang ma-dismiss.
Nasayrang ilawom sa balaud, duna’y napulo ka adlaw ang House Speaker pag-refer sa reklamo ngadto sa komite apan wala kini nagdili kaniya sa pag-refer sa ilang bersyon higayong magsugod na ang sesyon sa Kongreso karong Enero 26.
