BUTUAN CITY – Human ang dul-an unom ka oras mga debate, gibotaran sa Senado pinaagi sa 19 nga pabor, upat ang supak ug usa ang mi-abstain alang sa pag-archive na sa impeachment complaint batuk kang Vice President Sara Duterte, kansa naghunong gilayon sa pagtaral niini.
Kini nga desisyon misunod sa ruling sa Supreme Court niadtong July 25 nga nagdeklara sa reklamo nga unconstitutional, tungod sa balaud nga usa lang ka impeachment complaint ang ipasaka matag-tuig.
Si Senador Sen. Joel Villanueva ang nagmosyon nga i-archive ang reklamo human gi-amenda niini ang unang misyon ni Sen. Rodante Marcoleta, pag-dismiss na sa maong reklamo.
Sila Sen. Tito Sotto, uban nila Senador Risa Hontiveros, Kiko Pangilinan, Bam Aquino, ug Ping Lacson, mubotar supak sa pag-archive sa impeachment complaint sa rasong nag-convene na ang Senado isip usa ka impeachment court.
Samtang uyon usab sa mosyon sila Senador Alan Peter ug Pia Cayetano, Ronald “Bato” Dela Rosa, JV Ejercito, Jinggoy Estrada, Sherwin Gatchalian, Bong Go, Lito Lapid, Loren Legarda, Rodante Marcoleta, Erwin Tulfo, Raffy Tulfo, Imee Marcos, Robin Padilla, Joel Villanueva, Camille ug Mark Villar, Juan Miguel Zubiri ug Senate President Francis “Chiz” Escudero samtang nag-abstain usab si Ping Lacson.
Giklaro ni Sen. Alan Peter Cayetano, nga ang pagbutang sa archive sa impeachment case ni VP Sara wala nagpasabot nga kini patay na, tungod kay pwede pa kining buhion ugaling baliktaron sa Korte Suprema ang desisyon niini.
Human sa botasyon, gi-aprubahan gilayon kini ni Senate President Chiz Escudero.
