BUTUAN CITY – Gi-angkon ni Senador Francisco ‘Kiko’ Pangilinan nga dugay na siyang nakig-alayon sa ubang mga senador atol pa sa ika-upat nga State of the Nation Address kon SONA ni Pangulong Ferdinand ‘Bongbong’ Marcos Jr.
Nag-andam na matud pa siya og resolusyon ka-uban sila Senador Risa Hontiveros ug Senador Bam Aquino aron mahisgutan kung sa unsang paagi ipadayon ang impeachment trial batuk kang Vice President Sara Duterte.
Una nang nagpagawas og joint statement ang tulo ka mga senador nga mikwestyon sa desisyon sa Korte Suprema nga nagdeklarang unconstitutional ang gidusong Articles of Impeachment sa House of Representatives ngadto sa Senado hinungdan nga mahunong ang pagtaral sa bise presidente.
Ang maong resolusyon gipirmahan na sa tulo ka mga senador ug ni Senate Minority Floor leader Vicente Sotto III kansa gi-review pa sa mga senador.
Sigon ni Pangilinan, ilang gihangyo ang Korte Suprema nga i-harmonize ang daw magsumpaki nga probisyon sa balaud tungod kay base sa prinsipyo sa constitutional construction, ang paghatag og kahulugan sa usa ka probisyon sa Konstitusyon, dili magpawala’y bili sa ubang probisyon niini.
