BUTUAN CITY – Gila-umang isubmite na ni Vice President Sara Duterte ugmang adlawa, Lunes ang iyang tubag sa duha ka impeachment complaints nga gipasaka batuk kaniya kansa gideklara sa House Justice Committee nga sufficient in form and substance.
Sigon ni committee member ug Bicol Saro Rep Terry Ridon, natapos na niining weekend ang napulo ka adlaw nga gihatag nga deadline sa komite aron makasubmite sa iyang tubag ang besi presidente.
Higayong makasubmite na sa iyang tubag si VP Sara, gipadayag ni Ridon nga hatagan nila og higayon ang panig sa mga magbabalaud nga nag-endorso sa duha ka reklamo ug hatagan usab og panahon si VP Sara nga magsubmite sa iyang rejoinder adiser sila makamugna og sunod nga lakang.
Higayong makasubmite na sa iyang tubag si VP Sara, tumbukon na sa komite kung sufficient in grounds ba usab ang impeachment complaint ug gila-umang himuon ang hearing proper sa Abril 8. Gidugang pa sa magbabalaud nga mahimong mapamub-an ang impeachment process, higayong dili muhatag sa iyang tubag si VP Sara hangtud ugmang adlawa.
Gipanghimakak usab ni Ridon ang alegasyon ni VP Sara nga phishing expedition lang ang gihimo sa Kamara batuk kaniya tungod kay essentially complete matud pa ang maong mga reklamo, bisan og dili pa sila mag-isyu og subpoena.
Kini tungod kay duna na’y kompletong report ang komite kalabot sa confidential funds, mga kopya sa Statement of Assets, Liabilities and Networth kon SALN ni VP Sara ingon man affidavit sa nagpa-ilang bagman sa besi presidente nga si Ramil Madriaga.
