BUTUAN CITY – Parehong nagpa-abot og kinasing-kasing nga pagpasalamat sila Besi Presidente Sara Duterte ug iyang amahan nga si kanhi Pangulong Rodrigo Duterte sa mga mitambong sa halapad nga peace rally sa Iglesia Ni Cristo (INC) kagahapong adlawa sa tibook nasud.
Sigon ni Vice President Sara, nagpakita kini sa panaghi-usa nga ang bugtong pangandoy lang sa katawhang Filipino mao ang kalinaw alang sa kalamboan sa nasud. Gidayeg ug gipasalamatan sa bise presidente ang Iglesia Ni Cristo sa paningkamot niini nga maghatod og pagsinabtanay ug paghiusa bisan pa man sa nasinatian karung pagtaas sa presyo sa palaliton, kapobrehon og uban pang problema.
Sa kabahinan usab ni kanhi Pangulong Rodrigo Duterte, gibutyag niining ang gihimong rally alang sa kalinaw maoy gikinahanglan sa nasud ning kritikal nga panahon ug dili ang impeachment.
Nasayrang kapin sa 1.8 milyones ang mi-apil sa halapad nga peace rally sa Quirino Grandstand diin kadaghanan natala sa National Capital Region wala pa’y labot sa libuan usab nga misalmot sa mga probinsya
