BUTUAN CITY – Sunod-sunod ang mga tirada ni Vice president Sara Duterte atul sa gisalmutan niining kalihukan sa Hong Kong kagahapong adlawa.
Wala’y gipanganlan ang bise Presidente, apan usa sa mga gipang mention niini ang pagka-scam matud pa niya sa usa ka politiko, diin abi matud pa niya nga ang kabag-ohan sa Pilipinas ang ilahang plataporma kung mag-uban sila pag dagan sa eleksyon, tungod niini, dili na siya mo-indorso og politiko tungod kay natagam na siya sa maong sitwasyon, ug basin unya siya pa ang pasanginlan sa mga botante human sa eleksyon.
Sigon usab niini nga kinahanglang ilhon una sa mga botante ang ilahang pamutaran karong umalabot nga eleksyon, ug botaran lamang kadtong kamao mo tuman sa ilahang saad.
Nagpasidaan usab ang Bise Presidente sa mga pamaagi karon sa mga politiko sa pagpalit og boto, kansa ginatago lamang matud pa kini sa lehitimong pamaagi nga mao ang Ayuda.
Undanon usab ang pahimangno ni VP Sara sa pagtan-aw sa abilidad sa mga kandidato, diin gikabutyag pa niini nga kung masugo na ang maong kandidato og pagpalit og suka, duna na kini abilidad.
Ang pamahayag ni Vice President Sara Duterte.
Dili klaro kung birada kini sa Bise Presidente mahitungod sa pamahayag ni Presidente Marcos Jr., atul sa rally niini sa Ilocos Norte diin gikumpara sa Presidente ang ubang mga kandidato nga daw nag deliver lang matud pa og suka, ug na hatagan na dayon og Certificate of Candidacy, kumpara sa bagtikan matud pa niining mga giindorsong kandidato.
Ang birada ni Presidente Bongbong Marcos Jr. atul sa rally sa partido niining Alyansa Para sa Bagong Pilipinas ning nakalabayng bulan sa Ilocos Norte.
